Բահրեյնի մայրաքաղաք Մանամայում սվարտին մոտեցող ծանրամարտի աշխարհի առաջնությունում մեկնարկել է տղամարդկանց +109 կգ քաշայինների պայքարը: Տիտղոսի համար պայքարում են Փարիզի Օլիմպիական խաղերի փոխչեմպիոն, աշխարհի կրկնակի փոխչեմպիոն, Եվրոպայի գործող չեմպիոն Վարազդատ Լալայանը եւ Բահրեյնը ներկայացնող օլիմպիական փոխչեմպիոն Գոռ Մինասյանը:
Պոկում վարժությունում Լալայանը մեկնարկեց 206 կգ-ով եւ հաջողությամբ բարձրացրեց ծանրաձողը: Երկրորդ մոտեցմամբ պոկեց 211 կգ, երրորդ մոտեցմամբ՝ 215 կգ: Այս վարժությունում Լալայանն առաջինն է եւ նվաճեց փոքր ոսկե մեդալ:
Գոռ Մինասյանը պոկեց 205 կգ, ապա՝ 210 կգ: Երրորդ մոտեցման համար պատվիրած 215 կգ-ը ձախողեց եւ նվաճեց փոքր արծաթե մեդալ:
Ընդմիջում է:
Վարազդատ Լալայանը 2016 թ. Եվրոպայի պատանեկան առաջնության արծաթե մեդալակիր է, 2019 թ. Եվրոպայի երիտասարդական առաջնության փոխչեմպիոն, 2019 թ. աշխարհի երիտասարդների չեմպիոն, 2019 թ. Եվրոպայի Մ20 չեմպիոն եւ ռեկորդակիր, 2021 թ. Եվրոպայի առաջնության բրոնզե մեդալակիր, 2021 թ. Եվրոպայի Մ23 չեմպիոն եւ ռեկորդակիր, 2021 թ. աշխարհի փոխչեմպիոն եւ ռեկորդակիր, 2022 թ. Եվրոպայի փոխչեմպիոն, 2022 թ. Եվրոպայի Մ23 չեմպիոն եւ ռեկորդակիր, 2022 թ. Աշխարհի բրոնզե մեդալակիր:
2023 թ. ապրիլին Երեւանում անցկացված Եվրոպայի առաջնությունում նվաճել է փոխչեմպիոնի կոչումը: Երկամարտում Լալայանը գրանցել է 462 կգ արդյունք (212+250):
2023 թ. աշխարհի փոխչեմպիոն է, 2024 թ. Եվրոպայի չեմպիոն եւ աշխարհի գավաթակիր, Փարիզի Օլիմպիական խաղերի փոխչեմպիոն:
Ֆրանսիայի մայրաքաղաքում անցկացված 33-րդ ամառային Օլիմպիական խաղերում Վարազդատ Լալայանը երկամարտի 467 կգ արդյունքով (215+252) նվաճեց Օլիմպիական խաղերի արծաթե մեդալը, Գոռ Մինասյանը երկամարտում գրանցեց 461 կգ (216+245) եւ դարձավ բրոնզե մեդալակիր:
